2 Prill 1991 --- Memoriam

Nga Shenasi  Rama

Kjo ka kenë dita e fundit që kam dalë legalisht në shtetin shqiptar. Kam kenë në krye të këtij varrimi të një krimi të parisë (në bashkëpunim me të huajt), ku u vra shoku im Arben Broci dhe tre protestues. Kam ecë me një fishek 12.7 mm në dorë të ngritur që nga monumenti i Pesë Heronjve të Vigut e deri në varrezat e qytetit. Kam ecë vetëm dhe pa mbrojtje. Kam dashtë që të tjerët me e ditë se fisheku ka kenë për mue. 

Në varrim kanë kenë edhe ata që e kanë urdhëruar vrasjen time, edhe ata që ekzekutuan dikë tjetër... jena pa sy me sy dhe kemi ecë secili në rrugën e vet. 

Edhe kjo është një mënyrë me rrnue për me tregue.

* Martirët e 2 Prillit ishin pesë anëtarë të PD-së. Ata ishin: Arben Broci, Nazmi Kryeziu, Besnik Ceka, Bujar Bishanaku dhe Artur Gila, i cili vdiq më vonë prej plagëve .