Dita ndërkombëtare e gjuhës amtare

Në kuadër të 21 Shkurtit “International Mother Language Day”, shpallur nga UNESCO,  Qendra e Kulturës, Medias dhe Botimeve të Mbrojtjes organizon aktivitetin “Dita ndërkombëtare e gjuhës amtare”.

Qëllimi i këtij aktiviteti është vënia në dukje e vlerave gjuhësore, kulturore dhe  artistike të gjuhës shqipe dhe të gjuhëve të minoriteteve etnike dhe kulturore që bashkëjetojnë brenda Forcave të Armatosura, në vendin tonë.

Mbrojtja e gjuhëve në botë, lufta kundër zhdukjes së tyre dhe ruajtja e identitetit të kombeve në përmjet gjuhës, janë qëllimet kyçe të manifestimeve që sot organizohen në nivel botëror. Është hera e parë që kjo ditë po festohet sot në Shqipëri, me iniciativën e Qendrës së Kulturës, Medias dhe Botimeve të Mbrojtjes, në bashkëpunim me Komunitetin Shtetëror të Minoriteteve.