8 Maji, Dita e Kryqit të Kuq

Sot është Dita Botërore e Kryqit të Kuq dhe Gjysmëhënës së Kuqe. Tetë maji është zgjedhur pasi në këtë datë ka lindur themeluesi i Kryqit të Kuq, Henry Dunant. Ai ka marrë Çmimin e parë të Nobelit për Paqe.

Dita e Kryqit të Kuq është shënuar për herë të parë në vitin 1948. Pas disa ndryshimeve të emrave, u bë Dita Botërore e Kryqit të Kuq dhe Gjysmëhënës së Kuqe më 1984.

Kjo datë shënon rolin e anëtarëve dhe vullnetarëve të të dyja oranizatave në shpëtimin e jetëve dhe mbrojtjen e njerëzve të varfër në gjithë botën.