Gates: Webi, e ardhmja e arsimimit

Themeluesi i Microsoftit, Bill Gates, ishte javën e kaluar në konferencën teknologjike Techonomy. Sipas parashikimeve të tij, për gati pesë vjet, uebi do të jetë platforma kyçe për arsimim, duke vënë universitetet dhe institucionet e ngjashme në plan të dytë.

“Për pesë vjet në internet do të mund të gjeni të gjitha ligjëratat më të mira në botë, dhe shpesh falas. Nuk do të ketë më nevojë për të shkuar në universitete”, ka thënë Gates në konferencën Techonomy, transmeton Dailytech.

Gjithashtu, Gates parashikon se në këtë mënyrë do të reduktoheshin ndjeshëm kostot e studimit. Aktualisht në SHBA për studimet 4-vjeçare duhet të ndahen rreth 50 mijë dollarë, ndërsa kostoja e arsimimit nëpërmjet webit do të ishte rreth 8 000 dollarë.