Japoni, konkurs për hakerat

Në Japoni u zhvillua konkursi i parë zyrtar i hakerëve. Aktiviteti u mbështet nga qeveria e vendit. Siç besojnë autoritetet japoneze, konkursi mund të kontribuojë në përgatitjen e ekspertëve për luftën kundër sulmeve kibernetike. Në finale dolën nëntë ekipe, fituesit e turneve kualifikuese rajonale.

Ekipeve, secili prej të cilëve përbëhej nga 4 pjesëmarrës, iu parashtrua detyra që të zgjidhnin brenda një kohë të caktuar 24 ushtrime, duke përfshirë këtu thyerjen e sigurisë kompjuterike dhe deshifrimin e kodeve.

Konkursi u fitua nga ekipi i zhvilluesve të një prej kompanive të Sigurisë së Informacionit të Tokios, i cili arriti të zgjidhë 17 nga 24 detyrat e dhëna.