Universitetet më të mira në Europë

Universiteti i Cambridge-t është më i miri në Europë, sipas një liste të re përgatitur nga ‘Qendra për Renditjen e Universiteteve Botërore’ (CWUR).  Universiteti i Oksfordit dhe Instituti Federal Zviceran i Teknologjisë në Zyrih, gjithashtu qëndrojnë në vendet e larta të listës. 

CWUR, e cila është bazuar në Arabinë Saudite, vështron cilësinë e arsimit, prestigjin e anëtarëve të fakultetit, dhe cilësinë e hulumtimeve të fakultetit në çdo universitet për të përpiluar listën e saj vjetore.

Përveç universiteteve të Cambridge-t dhe Oxford-it, Mbretëria e Bashkuar ka dhe pesë shkolla të tjera në listën e 25 universiteteve më të mira europiane. Vendet e tjera të përfaqësuara fuqishëm në listë, përfshijnë Zvicrën, Gjermaninë dhe Francën. 

Cambridge dhe Oxford janë renditur gjithashtu dhe ndër 5 vendet e para në listën e universiteteve më të mira në botë, përkatësisht në të katërtin dhe të pestin. Ndërsa ‘Universiteti i Harvardit’ ka marrë numrin një në renditjen globale.