Takim në Prespë

 
Mediat greke raportojnë se ka qenë Kryeministri i Greqisë, George Papandreou, nismëtari i takimit që ka ftuar Kryeministrin e Shqipërisë Sali Berisha dhe atë të Maqedonisë, Nikolla Gruevski për një takim në Parkun Kombëtar të Liqenit të Prespës.

Tema e takimit do të jetë diskutimi mbi fillimin e mundshëm të një iniciativë të përbashkët për ruajtjen e rajonit të Liqeneve Prespës, e cila zë një territor në Greqi, Shqipëri dhe një në Maqedoni.

Nuk dihet ende nëse do të bisedohet çështja e emrit mes Greqisë dhe Maqedonisë, çështje e mbetur pezull pasi asnjë nga palët nuk pranon propozimet e njëra-tjetrës.