* * *

 

 

 

 

 

 

 

 

 

 

 

 

Google pothuajse është shndërruar në motorin më të preferuar të kërkimit në internet nga të gjithë përdoruesit në mbarë botën, pavarësisht dyshimeve për mbledhjen e të dhënave dhe praktikave jo të drejta të reklamimit që janë parë gjerësisht si ndërhyrëse.Një studim i lëshuar të premten nga Pew Internet dhe American Life Project ka gjetur se 83 për qind e të anketuarve kanë vlerësuar se Google është motori i tyre i preferuar i kërkimit. Kjo shifër është tani më e lartë për 47 për qind në krahasim me atë në vitin 2004, kur për herë të fundit këto kompani të hulumtimeve kishin matur qëndrimet e njerëzve për motorët e kërkimit në internet.Motori tjetër i kërkimit, Yahoo, renditet si e dyta e largët me vetëm 6 për qind, krahasuar me pjesëmarrjen e saj prej 26 për qind sa ishte në vitin 2004. Google Inc. ka kthyer pozitën e saj dominuese si motori më i fuqishëm i kërkimit në internet në një minierë ari. Motori më i madh i kërkimit në internet tani është qendër e një sistemi të madh reklamimi që ka gjeneruar 36.5 miliardë dollarë në të ardhura gjatë vitit të kaluar - ose 3 miliard dollarë më shumë sesa në vitin 2004.