Mikroçipi i "dietës"

Për të gjithë personat të cilët mbajnë dieta në mënyrë të vazhdueshme, shumë shpejt një mekanizëm i ri do t'ju shërbej pa asnjë torturë. Shkencëtarët britanikë kanë arritur të krijojnë një mikroçip "inteligjent", që thuhet se ul oreksin.

Pritet që shumë shpejt të nisë testimi i mikroçipit tek kafshët e më pas do të aplikohet edhe te njerëzit. Çipi lidhet me nervin vagus, që luan rol tek oreksi e ka po ashtu edhe funksione të tjera në trupin e njeriut.

Testet tek njerëzit mund të fillojnë brenda një periudhe 3-vjeçare. Kjo teknologji ka ardhur si rrjedhojë e punës së Chris Toumazou dhe Stephen Bloom, nga Kolegji Imperial në Londër.