Oppo zbulon modelin e ri, Oppo N1 Mini

Oppo e ka bërë prezantimin zyrtar të telefonit të saj, përkatësisht modelit më të ri - Oppo N1 Mini, i cili vjen me dizajn të ngjashëm me versionin paraprak, Oppo N1. Oppo ende nuk i ka listuar të gjitha karakteristikat e modelit N1 Mini, edhe pse disa prej specifikave të publikuara përfshijnë ndërfaqen Color OS, që bazohet në Android 4.2 Jelly Bean.

Oppo N1 Mini sjell ekranin me diagonalen prej 5 inç në rezolucionin HD me 1280 x 720 piksel. Kamera e pasme e telefonit posedon 13 mega-piksel dhe mund të rrotullohet me 190 shkallë, përkatësisht të përdoret edhe si kamerë e përparme.

Procesori i Oppo N1 Mini thuhet se do të jetë i MediaTek, 8 core MT6592 apo Exynos 5422. Ndërkohë detajet e tjera të telefonit pritet të bëhen publike  së shpejti.