Aleksandër Vuçiç në rrezik për jetën!

Si pjesë e hetimeve për armët e gjetura në afërsi të shtëpisë së familjes së Kryeministrit serb, Aleksandër Vuçiç, sot janë kapur armë në Beograd.

 Armët janë kapur në një makinë “Renault Megan”, e vjedhur në Beogradin e Ri në janar të këtij viti, që  gjendej në një garazh.

 Sipas mediave serbe, në veturë është  gjetur një automatik, sasi e madhe e municionit, 400 gram TNT e ndarë në dy kallëp, një detonator dhe një celular për aktivizimin e eksplozivëve nga largësia.

 Zyrtarët serbë nuk kanë dalë  ende me komunikatë, nëse këto armë kishin të bënin me një atentat ndaj Kryeministrit serb, por kapja e armëve ka të bëjë me kapjen e armëve pranë shtëpisë së Vuçiçit.

* * * 

Në afërsi të shtëpisë së familjes së Kryeministrit serb, Aleksandar Vuçiç, në Jajincima, është gjetur një makinë e mbushur me armë, shkruan Tanjug.

 Në makinë janë gjetur armë, granata, mitralozë dhe municione.

 Është raportuar që makina është gjetur rreth 50 metra larg rrugës që të çon në shtëpinë e familjes së Kryeministrit.

 Me urdhër të Prokurorisë është marrë vendimi për t'u bërë analizat e ADN-së si dhe është bërë largimi i të gjitha armëve nga vendi i ngjarjes, transmetojnë agjensitë.