* * *

Viber, risi më 2017

Edhe pse jo me prestigjin e  WhatsUp dhe FaceBook Messenger, Viber vijon të mbetet një rrjet social i përdorur në mënyrë masive. Madje vitin 2017, ky aplikacion do ta nisë me risi.

Tani, mund të dërgohen videomesazhe si në SnapChat. Mjafton të klikohet ikona e videos në Inbox dhe mund të rregjistrohen 30 sekonda video. Për më tepër, me Viber mund të kemi akses të shpejtë në Wikipedia,  Giphy dhe TheMovieDB. Para se të shkruhet një nga këto tre shërbime duhet shënuar shenja “@”.

Viber është një aplikacion për telefonët celularë  për  sistemet Android dhe iOS që ju mundëson të komunikoni falas me kontaktet tuaj kudo nëpër botë. Gjithçka që ju nevojitet për të krijuar një bisedë falas është që të keni vetëm lidhje me internetin në celularin tuaj.

Facebook dhe Google do përballen me drejtësinë!

Të afërmit e tre prej 49 viktimave të sulmit që ndodhi gjatë verës në një klub nate në Florida, kanë paditur Twitter-in, Google dhe Facebook-un me akuzën se këto rrjete sociale kanë ofruar “përkrahje materiale” për autorin e sulmit.

Omar Mateen ka vrarë 49 persona në klubin e natës, Pulse në Orlando në muajin qershor, sulm ky i cilësuar më i rëndi me armë zjarri në historinë moderne amerikane.

Mateen, që është vrarë nga policia pas sulmit, ishte vetdeklaruar si përkrahës i grupit militant, Shteti Islamik.

Familjet e tre viktimave të këtij sulmi, pretendojnë se Twitter, YouTube që është pronë e Google dhe Facebook kanë “mundësuar që grupi terrorist të ketë profile dhe përmes tyre të shpërndajnë propagandë ekstremiste, të mbledhin fonde dhe të sigurojnë rekrutë të rinj”.

Padia thotë se “përkrahja materiale ka qenë instrumentale” për rritjen e IS-it duke “mundësuar për ta që të kryejnë sulme apo të shkaktojnë kryerjen e shumë sulmeve terroriste”.

Padia është bërë më 20 dhjetor në një gjykatë federale të Detroitit, ndërsa të njejtën ditë, Facebook përmes një komunikate ka thënë se ata janë të “përkushtuar që të ofrojnë shërbime aty ku njerëzit ndjehen të sigurt për të përdorur Facebook-un”.

Lenovo nxjerr celularin e ri

Produkti i ri i kompanisë Lenovo, Zuk Edge është krijuar me çdo opsion që mund të kërkonin në celularin e vitit 2016. Ekrani 5.5-inch, Full HD bateri 3,100mAh dhe portë USB-C port. Kamera ka cilësinë 13-megapixel prapa e tetë para dhe sistemi funksionon me Android Nougat. Edge kushton deri në $360. 

Por 2017 është vetëm dy javë larg dhe procesori 821 do të dalë jashtë përdorimi. Nëse dëshironi më shumë fuqi baterie, qartësi pamjeje dhe rezolution, Edge është produkti i duhur. Për momentin shitet vetëm në Kinë, duke pritur të përhapet pas disa muajsh më gjerë.