Mjerimi i Shtypit

Nga Agim Deliu

Mjerimi i Shtypit

Nëqoftëse nuk doni të mësoni kurrë të vërtetat

Filloni në mëngjes të lexoni gazetat..

Gjallojnë tradhëtitë, vrasjet, skandalet

Me lajme të frikshme mbushen portalet.

Analistë të çmendur, jeniçerë, gazetarë

Me lapsat si heshta rekrutohen ushtarë.

Me thirje për luftë krekosen ekranesh

Jashtëqitje perverse , gatuar mejhanesh.

Alkol e bixhoz,dalldisur orgjie

"Analistë të pavarur" zëdhënës partie.

Tiranë

Më, 26 mars 2019

Punësim

Fabul

Përmbi bar pranë një pieshke

Një kërmill i flet një breshke:

- Korracuar e blinduar

E shtyn jetën pa punuar.

Ndërsa unë antenat vrik

Shpejt u lidha me një mik

Zura punë në trafik.

Kthehet breshka nxirë si reja.

-Kam oferta nga RENEA.

@ Adel, Tiranë, më 30 .03.2017

Gënjeshtari Dixhital

Nga mesdita në mesnatë,

Nga mesnata në mëngjes.

Gjeneron veç llum e baltë

Plagë shpirtit, dhimbje, stres.

Hakërrehesh ndër foltore

Si përbindësh nxin ekranit

Qelbesh erë nevojtore

Gjakatari i ballkanit.

S'le figurë pa baltosur!!!

Burrë e grua o i çmendur

Ndyn e shan xhind i marrosur

Dhe të gjallë , dhe të vdekur.

Ç,'mitër brenda ty të mbajti?

Të dha frymë e të dha jetë?

Çdo qelizë konstukt inati

Çdo zanore plumb i nxehtë.

Jeta jote është krejt horror

Poshtërsi gjer në ekstrem

Fshije emrin malësor

Nga fisnikët s'ke një gen.

Nga Bistrica në Shkëlzen

Vrerë derdh mbi fushë e mal

Fshihesh tinëz si legen

"Qytetari dixhital"