Imazh shpirtëror...

Nga Bujar Plloshtani

Seç më ngjajnë brenda meje shpirtra hyjnorë,
Me fund dëlirësie shoh tek më maskojnë.
Më duken se fjolla imazhesh bien në mua,
e, fundin e shpirtit ma japin si një lirikë hënore.

Gjysmerrësira më mbulon, jashtë
shiu më lag, bën ftohtë vjeshte,
ndjenjën time e shoh të vizatuar brenda fytyrës së Hënës.

A mund të jem shndërruar mbi vullnetin e shpirtit hyjnor?
Jam përtej qiejve, atje ku s'duket asgjë!

Jam përtej...