Shtegëtar

Frederik Rreshpja

Hënë s'ka, yje s'ka.
Ecën vetmia me bijtë e saj.

Asnjeri s'më pret te porta, vetëm trishtimi
dhe trëndafilat tërë ankth.
Nata dremit te ajri i dritares,
ku janë gdhendur sytë e mi në moment pikëllimi.

Hënë s'ka, yje s'ka.
Ecën vetmia me bijtë e saj.

Aspekt

Natyrisht, gjakatarët koha i le pas dore.

Vijnë  Homerët dhe luftojnë  me njëri-tjetrin.
Pandehin se vriten për lavdinë  e Iliadave.