Variant Vjeshte

Nga Ilir Shyta

Variant Vjeshte

Këtij pasioni

Një dashuri vjeshtet.

Në trup

Afsh i verdhë 

 Tollovi.

Bëjmë seks

Si gjethja nën gjeth

Duke tradhëtuar 

me mend...

Vjeshtë³

(Vjeshtë në fuqi të tretë)

Në degët e hënës

Fle qerpiku syqiell

Momenti virgjëroi gjethet

 dhe ia ngjiti me pështymë flokë, 

diellit tullac.

Yjet nxijnë hapësirës 

Blu të natës.

Vjeshta e tretë 

Prej dheut

Kërkon të ringjallet...

Jezusi qesh!

Triptik verdhosh

Brenda poçit të dritës

 Jeton vjeshta e verdhë

Ditën arratiset diellit

Natën hyn në qelq...

Hëna xhelozon ngjyrën...