* * *

Nga Janis Ifandis

Asnjë çmim

Asnjë çmim s’më dhanë skifterët e klikave. Në dreq.

Ua shpërndanë shokëve, kurse mua

«duhet t’i kushtojmë vëmendje edhe Ifandisit» e shkërdhatëri të tilla.

Por një çmim unë e doja xhan i vëllait.

E doja që të shkoja tek mamaja e t’i kapardisesha.

Ankim hyjneshës së dashurisë

Pa shih, Afërditë, një mëllenjë

u ndal mbi degëzën e zhveshur të ullirit, frut i zi,

dhe u rrëzuan bulëzat perde që më ndau për

pak nga unë.

Sepse jam kudo, jam kudo.

Vetëm në zemrën e saj nuk jam më, Afërditë.

Përkthyer nga Romeo Çollaku