Një natë dimri

Nga Bujar Plloshtani

Ajër i plogësht,

rëndon mbi këtë natë dimri.

Qielli mërdhihet,

nga ky janar i ftohtë.

Hapësirë e shtrirë, tepër e ftohtë,

brenda një nate dimri si kjo.

S’mbahet mend!

Natë dimri,

rrugët ngrica kanë zënë.

Nuk takohemi më, ose rrallë,

ti e dashur me ata sy të mëdhenj, 

pse nuk vjen sonte

nga i ftohti të mos ngrijmë?

Eja, nxito,

po afron i ftohti polar.

Një natë dimri si kjo, 

ti veç do kujtohesh e s’do jesh më.