Zgjohu, Kosovë!

Zgjohu, Kosovë! Zgjohu, nëna ime e dashur, 

balli dhe emri im i shkelur, 

zgjohu, oj! A po e ndjen vajin tim? 

A po sheh si t'i kam ngulur sytë 

mu në zemër, mu në shpirt, 

si t'i kam hedhur duart rreth belit 

për të përqafuar unë, ashti yt? 

Zgjohu, Kosovë!

- Ali Podrimja (1942 - 2012)

* * *

Kosova

Me ndarje dhe nënndarje gjeografike

Me ndarje dhe nënndarje historike

Kosova

Që nga ujrat e kulluara të Ohrit

Deri në errësirën e minierave të Mitrovicës

Që nga brigjet e kaltra të Ulqinit

Deri në Qelekullën e në fushën e Nishit

Kosova

Fushë e begatshme me fruta e grunore

Që bie erë pranverës e tëra lule molle

Kosova me male kreshnike

Male të zhveshur me pisha e bredhishte

Që e rrahin qiellin me krahë shqipesh

Që e dehin diellin me aromë rreshirë

Që e ndezin qiellin me zbardhëllime dëbore

Kosova

Krahinë shqiptare që në fillim të saj

Tokë e Manastirit

E Prizrenit

E Plavës dhe e Gucisë

Tokë e legjendave legjendare të Gjergj Elez Alisë

Kosova

Legjendë e mbetur në rrugëkryq të historisë

Kosova

Gjithnjë ashtu si gjithnjë

Më dhëm të shternguar e me shpirt ndër dhëmbë

Kosova

Ku shqiptarët flasin një gjuhë dhe dëgjojne dy gjuhë

Kosova gjithnjë ashtu.

- Bilal Xhaferri (1935 - 1986)

* * *

Do t'valvitet m'Kaçanik

M'Kaçanik, po, do t'valvitet

Kuq e zi Flamuri i shqyptarvet,

Përse toka shqyp ku flitet,

Ajo vetë asht, q'i prej t'parvet

Trashigim na e kemi pasë:

Mbrendë i huej, jo ma s'do t'shklasë,

Posë atëherë kur vjen për mik.

Jo, jo: sot na ktu sundojmë;

Ktu s'hecë fjala e tjetër kuej;

Gjall Lirin' na nuk e lshojmë

S'njohim mbret as krajl të huej.

Zoti n'qiell e na mbi tokë:

Me gjithkënd vllazen e shokë,

Por se i cili m'cak të vet.

- Gjergj Fishta