Mistike

Nga Artur Baku

Mistike

Eci mbi dunat

e kohës kozmike

s'i murg i arratisur 

nga kore liturgjishë

nata më mbulon

më pelerinën e saj 

të qendisur me fijet 

e vetmisë së botës.

Brenda meje 

i gjithë universi

një manastir kohë - hapësire

ndriçuar nga flakë yjesh.

* * *

Çdo ditë lindin

dhe rrëzohen perandori,

cifla mermeresh dhe hijesh,

shiten nga tregtar antikuaresh,

si trofe gojëdhënash dixhitale. 

Mbase një ditë aty do gjejmë

hijet e siluteva tona - kolona të rrëzuara të një forumi roman, 

tek fiksohen në proçesverbale

përjetësie nga blice turistësh...

* * *

Frymarrja e natës tretet 

mbi shtratin e yjeve,

ofshama prostitutash, 

ngujuar në nje univers offshore

përzihen me flakē orgjishë yjore.

Nga trarët e karbonizuar të Kashtës së Kumterit, 

bien gaca yjesh mbi koka Neronësh.

-Alo 129?

-Po!

-Kashta e Kumterit po shkrumbohet!

* * *

Me ardhjen e vjeshtës,

boshësia mbulon 

shtëpinë e harruar

diku në një plazh.

Gjithcka ngjan s'i 

në një ritual pagan:

Pshertima yjesh

që thyejn akustikën

e qiejve të natës,

blatohen rrotull 

një hëne të plotë,

ndërsa vjeshta praron

me boshësi një shtëpi verore.