PE diskuton për zgjedhjet në Shqipëri

Komiteti për çështjet e jashtme në Parlamentin Europian do të analizojë sot zhvillimet politike në Shqipëri si dhe zgjedhjet lokale të 8 Majit. Komisioni për Marrëdhëniet me Jashtë në PE do të shqyrtojë raportin e delegacionit që monitoroi zgjedhjet e 8 Majit. Kreu i delegacionit të Parlamentit Europian për vendet e Europës Juglindore ka qenë, eurodeputeti Eduard Kukan. Gjatë qëndrimit të tij në Shqipëri, Kukan theksoi rëndësinë e këtyre zgjedhjeve për vendin tonë, duke deklaruar se institucionet evropiane presin që këto zgjedhje të jenë të lira, të drejta dhe demokratike. Në debatin e ditës së sotme në komitetin e çështjeve të jashtme të Parlamentit Europian vëmendje do ti kushtohet edhe vonesës së numërimit të votave.