Rufi Osmani, po kryetar i Gostivarit

Kryetari i RDK-së, Rufi Osmani do të mbetet në postin e kryetarit të komunës së Gostivarit, pas zgjedhjeve të 5 Qershorit.
Osmani këtë e ka paralajmëruar para zgjedhjeve, pavarësisht nga rezultati i partisë së tij.

Mirëpo një qëndrim i tillë pritet të ndodhë edhe pas zgjedhjeve, pasi që burime pranë kësaj partie i thanë agjencisë së lajmeve INA se Osmani do të mbetet në krye të komunës së Gostivarit, ndërsa vendi i tij i deputetit do të zëvendësohet nga kandidati i radhës në listën për deputetë në njësinë e gjashtë zgjedhore.

RDK në Parlament do të zëvendësohet nga deputetët Izet Zeqiri si dhe Flamure Demiri-Kreci.

Osmani, në mesazhin e tij pas zgjedhjeve deklaroi se RDK-ja do të vazhdojë me strukturimin e saj organizativ dhe do të jetë alternativë politike në ngritje në të ardhmen. INA