OSBE, Wollfarth: Të ndryshohet Kodi Zgjedhor

Përfaqësuesi i OSBE në vendin tonë Eugen Wollfarth vlerësoi sot se Kodi Zgjedhor ka nevojë për rishikime në mënyrë që të jetë i aplikueshëm për procese të ardhshme zgjedhore.Në një prononcim për mediat nga Liqenasi i Korcës, kreu i OSBE në vendin tonë theksoi se duhen riparë me imtësi rekomandimet e ODIHR. Wollfarth shpreson se reforma zgjedhore do të jetë e gjerë, madje të përfshijë dhe institucione si parlamenti.“Presim një reformë të gjerë që të nisë nga parlamenti”.Kreu i OSBE gjithashtu tërhoqi vërejtje për Kushtetutën. “Cdo vend bën kujdes të madh kur bën ndyrshimet kushtetuese”. Nuk mungoi nga Wollfarth dhe apeli për politikën shqiptare. “Partitë të gjejnë gjuhën e përbashkët, në bisedime për Kodin dhe reformën të hyjnë dhe partitë e vogla. Konsensusi arrihet vetëm përmes dialogut”. Ndërkohë një ditë më parë Ambasadorja e Gjermanisë në Tiranë Carola Muller Holtkemper deklaroi në Korçë se forcat politike duhet të bashkëpunojnë për të hartuar një Kod të ri Zgjedhor.