Jersy Buzek, President i AP Europiane

15 July, 2009 19:00:00

Font size:

Parlamenti Europian zgjodhi ish-Kryeministrin polak Jersy Buzek në postin e Presidentit të Asamblesë Europiane, prej 736 anëtarësh.

Zoti Buzek fitoi sot miratimin e Parlamentit me 555 vota pro. Zgjedhja e tij ishte vendimi parë në sesionin e hapjes së Asamblesë në Strasburg, Francë.

Zoti Buzek është Presidenti i parë i Asamblesë Europiane nga një vend i ish-Bllokut Lindor.

Zgjedhja e tij pritej, për shkak të mbështetjes së sigurtë që ai kishte nga demokristianët, socialistët dhe liberalët, të cilët bashkarisht kanë më tepër se 500 vota, nga 736 vende gjithsej në Parlamentit.

"Ne polakët e dimë se edhe e pamundura mund të shndërrohet në të mundur nëse vërtet e dëshiron një gjë të tillë", deklaroi një parlamentare polake.