* * *

 

 

 

 

 

 

 

 

Komisioneri europian për ekonominë, Oli Rehn, ka dhënë një intervistë për mediat finlandeze ku ka deklaruar se “hyrja e Greqisë në eurozonë, ishte një gabim i madh”. Më tej ai ka shtuar se "Unë nuk do përmend emra dhe nuk do kritikoj askënd, por fakti që Greqia mundi të bashkohet me eurozonën në vitin 2001, ishte ndoshta që atëherë, një gabim i madh,".

Sipas Rehn, Eurozona duhet të forcohet përpara se të zgjerohet, për të shmangur krizat e ardhshme financiare. "Aftësia e zonës së euros për të vepruar duhet të përmirësohet në masë të madhe para se ajo të mund të zgjerohet në mënyrë të konsiderueshme," theksoi ai. Ndërkohë, rreth çështjes së anëtarësimit të Lituanisë, Letonisë dhe Polonisë në bashkimin monetar, Komisioneri Evropian sqaroi se 3 vendet do të qëndrojnë për një kohë të mjaftueshme në listën e pritjes.