KE: Gjykata të pavarura, kusht për integrimin

Komisioni Europian ka reaguar për vendimin e 21 Janarit, duke i kujtuar Shqipërisë që një kërkesat në progres-raportin ishte për këtë çështje, ku theksohej se duhej realizuar një proces gjykimi i besueshëm. “Në progres raportin e Shqipërisë bëhet thirrje për të trajtuar këtë çështje përmes një proces gjykimi të besueshëm. Komisioni shënon gjithashtu se ky vendim është subjekt apeli, çdo polarizim i kësaj çështjeje duhet evituar”, tha zëdhënësi i Komisionit Europian, Peter Stano.

Më tej në deklaratë theksohen nevoja e një sistemi gjyqësor të pavarur, si një parakusht për marrjen e statusit kandidat të Shqipërisë në Bashkimin Europian. “Një sistem gjyqësor i pavarur, i paanshëm dhe i përgjegjshëm, i zoti për të siguruar gjykime të ndershme është një dëshirë e çdo qytetari shqiptar dhe një element thelbësor i shtetit ligjor, një parakusht për rrugën drejt integrimit europian”, përfundon deklarata.