Ambasadori i SHBA-së: I shqetësuar për KQZ, politizimi ogur i keq

Në një prononcim për mediat, pas takimit në selinë rozë me kryesocialistin Rama, ambasadori i SHBA-së në Tiranë, Aleksandër Arvizu, ka deklaruar se të dyja palët duhet të bashkëpunojnë për funksioninim e KQZ.

Diplomati amerikan bëri me dije se Shtetet e Bashkuara janë të shqetësuara për mosfuksionimin e plotë të Komisionit Qëndror të Zgjedhjeve.

Arvizu lëshoi apelin e radhës, ndërsa nënvizoi se SHBA janë duke ndjekur me shumë vëmendje çdo deklaratë që vjen nga liderët e partive për këtë çështje dhe se pavarësisht deklaratave, palët janë ende larg një marrëveshje.