Rama: Bashkëpunim i gjerë me Erdogan

Në rrjetet  e tij sociale Twitter e Facebook, kryeministri i ri Edi Rama ka komentuar takimin që kreu me kryeministrin e turk, Taip Erdogan. Në postimin e tij Rama ka theksuar se takimi i hap rrugën një bashkëpunimi të gjerë midis dy vendeve.

“Rreth 2 ore e 30 minuta me kryeministrin Erdogan e një serë ministrash të dy palëve. Një plan i gjerë bashkëpunimi në proces. Mikpritje e shkëlqyer!”, shkruan Rama.

Kryesocialisti Rama ishte i ftuar dje në televizionin “CNN Turk”, për një intervistë, në qendër të së cilës ishte libri i tij “Kurbani” i botuar së fundmi në gjuhën turke, si dhe objektivat e qeverisë së re pas konstituimit në shtator. Rama deklaroi se lufta ndaj korrupsionit do të jetë një nga pikat nga ku do të nisë edhe ndryshimi i Shqipërisë.