President i BE-së, Herman Rompuy

Kryeministri i Belgjikës Herman Van Rompuy do të bëhet Presidenti i Parë i Bashkimit Europian.Diplomatët që morën pjesë në takimin e nivelit të lartë në Bruksel thanë se përfaqësuesit e 27 vendeve anëtare ranë dakord të emërojnë zotin Rompuy në këtë post.

Gjithashtu, Komisionerja Britanike për Bashkimin Europian Catherine Ashton, u zgjodh Ministre e Politikës së Jashtme të BE-se.
Zgjedhja e Van Rompuy si President dhe Ashton në postin e ri, që është krijuar me Traktatin e Lisbonës, ka për qëllim të përforcojë pozitën dhe politikën e përbashkët ekonomike, të sigurisë dhe të mbrojtjes së BE-së.