Cannon: Shqipëria në rrugë të mbarë...

Reforma territoriale duhet që të realizohet me konsensus maksimal. Kështu është shprehur nga Elbasani, ambasadori i Britanisë në vendin tonë, Nicholas Cannon, i cili është takuar me kryebashkiakun e këtij qyteti Qazim Sejdiu.

Deklaratat e tij përkojnë me mbledhjen e komisionit të posaçëm për reformën territoriale, i cili ka miratuar deri më tani planin e punës, ndërkohë që opozita nuk është e pranueshme.  Sipas Cannon, “Kjo reformë është një proces delikat dhe duhet të ketë konsensus jo vetëm mes partive. Duhet konsensus edhe me grupet e interesit”. 

Ai theksoi më tej se, “E drejta e pronës është problem që duhet zgjidhur pasi problemet me pronën pengojnë investimet”. 

Ndërsa duke folur për statusin, Cannon u shpreh se, “Statusi është në rrugë të mbarë. Qeveria Rama ka program ambicioz reformash”.