DASH: Takimi Rama-Vuçiç, kapitull i ri në Ballkan

Departamenti Amerikan i Shtetit ka përshëndetur takimin e zhvilluar më 10 Nëntor mes kryeministrit shqiptar Edi Rama dhe atij serb Aleksandër Vuçiç. Në një komunikatë zyrtare DASH përshëndet faktin se pas 70 vjetësh një kryeministër shqiptar viziton Beogradin ndërsa e cilëson takimin Rama-Vuçiç si hapjen e një kapitulli të ri në miqësinë mes dy vendeve.

“Departamenti Amerikan i Shtetit (DASH) përshëndesin kryeministrin shqiptar  Rama dhe kryeministrin serb Aleksandar Vucic për vizitën e parë zyrtare të një kryeministri shqiptar në Beograd pas 70 vjetësh. Ne mirëpresim angazhimin e ndërsjellë që këta liderë kanë treguar në hapjen e një kapitulli të ri të miqësisë dhe bashkëpunimit midis dy vendeve të tyre”, thuhet në deklaratën e DASH.