Kina superfuqi

Sipas ekspertëve SHBA pritet  të humbasë dominimin botëror ekonomik për t’u zëvendësuar nga Kina, para vitit 2032.

Në raporton e lëshuar nga një agjenci britanike thuhet se Kina tashmë ka kaluar parashikimet ekonomike prej vitit 2007. Aty shtohet se katër vende të tjera aziatike India, Japonia, Korea e Jugut dhe Indonezia, gjithashtu priten të bashkohen me Kinën në listën e 10 ekonomive më të mëdha të botës.

Sipas parashikimit dhjetë ekonomitë më të mëdha në vitin 2032 do të nisin nga Kina në majë të listës, e ndjekur nga SHBA, India, Japonia, Gjermania, Brazili, Britania, Korea e Jugut, Franca e Indonesia.

"Kina ka ruajtur me vendosmëri rritjen e përvitshme ekonomike dhe jka përfituar në maksimum nga nxitja e reformave të saj," tha John Litwack, ekonomisti i Bankës Botërore, duke iu referuar rritjes prej 6.8 për qind të GDP-së së Kinës për vitin 2017.

"Autoritetet kanë marrë një sërë politikash për reduktimin e imbalancave ekonomike dhe kufizimit të risqeve," thas Litwack.

Raporti i Institutit të Ekonomisë së Popullatës dhe Punës tha se kompanitë dhe shërbimet kineze të bazuara te interneti ishin rritur me 16.1 për qind në vitet 2007 deri në 2017.