Nobel për Paqe: Liu XiaoBo

Në kryeqytetin norvegjez Oslo u publikua sot fituesi i Çmimit Nobel për Paqe për vitin 2010. Çmimi iu dha disidentit kinez Liu Xiaobo, i cili gjendet aktualisht në burg. Xiaobo ishte dhe kandidati kryesor për çmimin. Kina zyrtare i ka tërhequr vërejtjen Komitetit të Nobelit kundër dhënies së Çmimit në vlerë prej 1.5 milionë dollarësh Xiaobos. Disidenti  kinez u burgos ne vitin 2009 me 11 vjet burg per nxitje trazirash.Një tjetër kandidate ishte dhe aktivistja e të drejtave të grave, afgania, Sima Samar.