Më të lumtur; australianët

Sipas një sondazhi realizuar mbi lumturinë e vendeve të zhvilluara dhe në zhvillim, Australia ka triumfuar. Pas saj renditen Suedia, Kanadaja, Norvegjia, Zvicra dhe SHBA.

Indeksi i “Jetës më të mirë” i OECD-së ka krahasuar 36 vende në 11 kritere ku bëjnë pjesë banimi, të ardhurat, vendet e punës, komuniteti, arsimi, mjedisi, angazhimi qytetar, shëndeti, kënaqësitë e jetës, siguria dhe bilanci mes punës dhe jetës.

Për të tretin vit radhazi, australianët janë shfaqur si populli që ka “jetë më të mirë”. Paratë dhe vendet e punës janë treguar si faktor kryesor në mirëqenien e një kombi.