Çelsi, fitore spektakolare ndaj Vigan

Çelsika ka  mposhtur Vigan-in në “Stamford Bridge” me rezultatin e thellë 4-1. Skuadra e Benitez ka bërë gjithçka mirë në javën e 26-të të Premier League-s. Serinë e golave e hapi mesfushori brazilian Ramires, i cili kaloi të tijtë në avantazh në minutën e 23 të takimit. Pjesa e parë u mbyll me shifrat minimale.

Me fillimin e fraksionit të dytë, ishte Hazard ai që dyfishoi rezultatin në minutën e 56, ndërsa në të 58-n, Maloni shkurtoi diferencën. Goli i Lampard dhe ai i Marin vulosën gjithçka në minutat mbetura, duke i dhënë fitoren skuadrës së Benitez-it pas asaj humbje shokuese të javës së shkuar.

Më herët, Totenhem mposhti 2-1 skuadrën e Njukasëllit. Dy golat për londinezët u shënuan nga Gareth Bale, ndërsa për miqtë shkurtoi diferencën sulmuesi francez Goufran.